呢段日子，封城封関，周街有病毒識行識走。最安全在家中，炒炒炒，炒菜芯牛肉，炒期權期貨！亦同時陪小朋友安然渡過一浪又浪疫情，Virus係隱形敵人！股災更殺人不見血，如果散戶唔識用追沽工具，肯定都幾大㷛，而事實上散戶嘅資訊及可用造淡小型工具係同大戶完全不對稱的！一日成千幾點上落，D牛熊證、撈底客，半日就夠鐘打把，即變叮出嚟牛角包，又食得！

股市大時代亦係大食代(俾大鱷)！石油可以一日內跌四分一，call孖展或即斬倉，而美股跌停板，畢菲特都話89歲人只見到一次，依家一個月裏面美股熔斷四次，佢先知原來自己太年輕！ 大時代人都癲的日子，真係要保持心境開朗，不可以太貼市，睇凖個反彈高位，氣弱一破位就又沽，一邊煮下嘢食…一邊反思人生！

炒嘢大叔